Շնորհավոր սեպտեմբերի 1

Հնչի՛ր առաջին զանգ, երկա՜ր, երկա՜ր հնչիր,

Կանչի՛ր մանուկներին, կանչի՛ր քո երգ-կանչով,

Կյանքի լույս են նրանք, կանչի՛ր նրանց, կանչի՛ր:

  Ուսումնական տարվա առաջին օրը հանդիսավորությամբ նշվեց նաև Կողբի թիվ 2միջնակարգ դպրոցում: Միջոցառմանը ներկա  էին Տավուշի մարզպետ Արմեն Ղուլարյանը, Կողբի գյուղապետ Արամայիս Աբովյանը, զորամասի հրամանատար գնդապետ Վահագն Ասատրյանը և բազմաթիվ այլ հյուրեր: 

 Տնօրենը, արժևորելով  գիտության և կրթության դերը, նշեց, որ Կողբի թիվ 2 դպրոցը մշտապես աչքի է ընկել ընդունելության բարձր մակարդակով, որի վառ ապացույցն այս տարվա արդյունքներն են (պետական բուհեր են ընդունվել 27 շրջանավարտներից 17-ը): Տնօրենը նաև նշեց, որ տարվա ձեռքբերումներից մեկն էլ նոր վերանորոգված սպորտդահլիճն է, որը խնդրահարույց հարց էր դպրոցում:

    

 Շնորհավորանքի խոսքով հանդես եկավ Արմեն Ղուլարյանը, ով գնահատեց Կողբի թիվ 2 դպրոցի բարեխիղճ աշխատանքը և պատրաստակամություն հայտնեց մշտապես աջակցել դպրոցին:

    

Միջոցառումը համեմված էր գեղարվեստական համարներով, ինչն ավելի ոգևորեց աշակերտներին, հատկապես առաջին անգամ դպրոց ոտք դրած փոքրիկներին: Միջոցառման ավարտին փոքրիկները խոստացան՝

Խոսք ենք տալիս մենք միմյանց

Միշտ սովորել գերազանց,

Որ ուսուցիչ  ու դասղեկ

Ասեն ապրեք, երեխե՛ք:  

Ապահով համացանց 2013

     

Կողբի թիվ 2 միջնակարգ դպրոցում արդեն 3 տարի շարունակ ապահով համացանցի օրվան նվիրված բաց դաս է տեղի ունենում:  Քանի որ համացանցից օգտվողների թիվն օր օրի ավելանում է և դրանք հիմնականում անչափահասներն են, այդ պատճառով շատ կարևոր է, որ նրանք իմանան համացանցի անվտանգության  ոսկե կանոնները:  

    Այս տարի բաց դասն անցկացվեց 7-րդ դասարանում: Դասին հրավիրված էին նաև ուսուցիչներ, ծնողներ և  այլ դասարանների  աշակերտներ, որոնք նույնպես շատ բան սովորեցին և իմացան համացանցից անվտանգ օգտվելու մասին: 

   7-րդ դասարանցիները խաղացին խաղ, որի միջոցով ներկայացրին թե ինչ բան է հաղորդագրությունը,  և՛ թե ինչ բան է փոստաղբը, և ինչպես պետք է վարվեն դրանցից յուրաքանչյուրի հետ: Հետո տեղի ունեցավ ձեռքսեղման 1 րոպե, և երեխաները մեկնաբանեցին բարևի տարբերությունը իրական և վիրտուալ աշխարհում:

    Այնուհետև աշակերտները լրացրին ապահով համացանցի վերբերյալ թեստերը safe.am կայքում, սովորեցին անվտանգ համացանցի ոսկե կանոները:

       Բոլոր ներկաները շատ տեղեկություններ և մեծ բավականություն ստացան  դասից:

8 նոր համակարգիչ նվիրաբերվեց Կողբի թիվ2 միջնակարգ դպրոցին

 Տավուշի մարզում մեկնարկել է լայնածավալ ծրագիր, որի շրջանակներում 19 քաղաքային եւ 53 համայնքային դպրոցի կնվիրաբերվի համակարգչային տեխնիկա եւ գույք: Նախաձեռնությունը «Հայաստան» համահայկական հիմնադրամինն է` Հայաստանում Հնդկաստանի դեսպանության եւ «Վարդանյաններ» ՍՊԸ-ի հետ համատեղ:   Դպրոցի համակարգչային դասասենյակի կահավորումը հովանավորվել է «Վարդանյաններ» ՍՊԸ-ի կողմից` հանձինս հիմնադրամի բարերար Միքայել Վարդանյանի:  Այսպիսով, 2012թ. հոկտեմբերի 16-ին 8 համակարգիչներ և 1 տպող մեքենա նվիաբերվեց Կողբի թիվ 2 միջնակարգ դպրոցին, իսկ հոկտեմբերի 19-ին դպրոց ժամանեցին հնդիկ մասնագետները՝ համակարգիչների տեղադրաման և ինտերնետ կապի ապահովմահ համար: Այժմ դպրոցն ունի բավականաչափ թվով համակարգիչներ ինֆորմատիկայի դասերը կազմակերպելու համար: Սա իսկապես մեծ նվեր և աջակցություն էր դպրոցին: Կողբի թիվ 2 միջնակարգ դպրոցն իր խորին շնորհակալությունն է հայտնում Հնդկաստանի կառավարությանը, «Հայաստան» համահայկական հիմնադրամին և «Վարդանյաններ» ՍՊԸ-ին:

Աշակերտական խորհրդի նախագահի ընտրություն 2012-2013

  Հոկտեմբերի 12-ին Կողբի թիվ 2 միջնակարգ դպրոցում տեղի ունեցավ 2012-2013 ուս. տարվա աշակերտական խորհրդի նախագահի ընտրություն: 

  Ընտրությանն իրենց թեկնածությունն էին առաջադրել Ալեն Աբովյանը՝ 11-րդ <<ա>> դասարանից, Սուսաննա  Բալայանը՝ 11-րդ <<բ>> դասարանից, Մանե Ղալեչյանը՝ 9-րդ դասարանից, Լիանա Աբովյանը՝ 8-րդ դասարանից և Նարե Թամազյանը՝ 7-րդ դասարանից:

    Թեկնածուներից յուրաքանչյուրը նախապես ներկայացրել էին իրենց մեկ տարվա գործողությունների ծրագիրը և ինքնակենսագրությունը:  Նախքան ընտրությունների օրը թեկնածուներից յուրաքանչյուրը քարոզչական աշխատանքներ էին կատարել 6-12-րդ՝  դասարաններում: 

     Այսպիսով հոկտեմբերի 12-ին ձայների մեծամասնությամբ Կողբի թիվ 2 միջնակարգ դպրոցի աշակերտական խորհրդի նախագահ ընտրվեց Ալեն Աբովյանը 11-րդ <<ա>> դասարանից: 

  Դպրոցի աշակերտական խորհրդի անդամները, տնօրինությունը և ուսուցիչները շնորհավորեցին Ալեն Աբովյանին՝ մաղթելով նրան բեղնավոր և եռանդուն աշխատանք:

  Այսօր խորհին ակնածանքով ու հարգանքով հանրապետությունում նշվում է ուսուցչի օրը: Այն ևս մեկ առիթ է `գնահատելու և բարեմաղթանքի խոսք ասելու այն ուսուցիչներին, ովքեր իրենց նվիրական ու անբասիր նկարագրով սիրված են բոլորիս կողմից:

 Ուսուցիչն է, որ իր վեհ առաքելությանը հավատարիմ, բազում սերունդներ կրթում ու դաստիարակում: Անգնահատելի է ուսուցչի բեղմնավոր աշխատանքը: Նա եղել և մնում է հայեցի` կրթության և դաստիարակության ջահակիրը:

     Մեր ձայնը միացնելով շնորհավորանքի բազում մաղթանքների` ասում ենք.

- Շնորհավոր տոնդ, ուսուցիչ: Դուք Ձեր իմաստությամբ, համբերատարությամբ ու սիրով ամեն օր բացահայտում եք քաջության, բարու, գեղեցիկի ու լավի խորհուրդ: Մաղթում ենք Ձեզ տոկունություն, առողջություն ու գեղեցկություն: Թող անխափան լինի Ձեր երթը պատմության քառուղիներում...

   Կողբի թիվ 2 միջնակարգ դպրոցում ուսուցչի տոնը նշվեց փոքր հավաքույթի ձևով: Հրավիրված էին նաև թաշակառու ուսուցիչներ, ովքեր երկար տարիներ աշխատել էին այս կրթօջախում: Բոլոր էլ շատ հուզված էին և թախիծով ու կարոտով էին հիշում այն աշխատանքային տարիները, որ անց էին կացրել այս դպրոցում: 

Դպրոցի  աշակերտական խորհրդի անդամներն էլ շնորհավորական բացիկներով և ծաղիկներով շնորհավորեցին սիրելի ուսուցիչներին իրենց տոնի առիթով:

Միջոցառում նվիրված հայկական էպոսի օրվան

Հոկտեմբերի 6-ին Կողբի թիվ 2 միջնակարգ  դպրոցի 7-րդ դասարանցիները անցկացրեցին հայկական  էպոսի օրվան նվիրված միջոցառում: Միջոցառման ընթացքում աշակերտները ներկայացրին <<Սասունցի Դավիթ>> էպոսի ստեղծման մասին շատ մանրամասներ: Դիտեցին հետաքրքիր տեսանյութեր:

Աշնանային արշավ

    Կողբի թիվ 2 միջնակարգ դպրոցի համար արդեն ավանդություն է դարձել ամեն տարի համադպրոցական արշավի անցկացումը: Այս տարի արշավի ուղղությունը Կողբի բնության հիասքանչ անկյուններից մեկը՝ Վարդիգյուղն էր: 

 Արշավին մասնակցում էին 1-12-րդ դասարանների բոլոր աշակերտները, ծնողներ և ուսուցիչներ: Աշակերտները միշտ ոգևորությամբ և մեծ սիրով  են մասնակցում աշնանային արշավին: 

   Արշավի մասնակիցները սկզբում գնացին Վարդիգյուղի խեչ, ապա քիչ հեռու նստեցին մի փոքր հանգստանալու և վայելելու հիասքանչ բնությունն ու ջերմ արևը:

    Յուրաքանչյուր դասարան կազմակերպեց տարբեր խաղեր և մրցույթներ, եղան նաև մրցույթներ տարբեր դասարանների միջև: 

Խոսեցին նաև բնության պաշտպանության, մաքրության և օզոնի շերտի պաշտպանության մասին:

     Բոլորն էլ մեծ բավականություն ստացան և բարձր տրամադրությամբ և լավ հիշողություններով վերադարձան: